Dialäkt: Mìlhüüserdiitsch |
Radio Courtoisie [ʁadjo kuʁtwazi](info) ìsch a verainliger frànzeescher Radiosander, wo sii Sìtz ìm 16. Arrondissement vu Pàriis hàt. Ar ìsch ànna 1987 vum Jean Ferré grìnda worra. Z’ loosa-n-ìsch s’ Progràmm uff FM-Frequanza ìn dr Regioon Île-de-France un ìn fìmf wittera Schtädt ìn Nordwäschtfrànkrììch, wia àui ìm Internet.
Radio Courtoisie wìrd oft àls a rachtsextreem Medium ààglüagt. ’S wìrd àui oft àls a Brucka zwìscha d’ konsärwàtiiwa un d’ extreema Rachta bschrììwa. Vu 2006 bis 2017 ìsch dr Radiosander vum Henry de Lesquen glaita worra, wo waaga siina ràssìstischa un àntijìddischa Mainunga üss’m Verain üssgschlossa worra-n-ìsch.[1][2] Ìm Nowamber 2017 ìsch dr Sander waga-n-ìm Lesquen sii „dischkriminiarenda Wärterüsstöisch“ un „màngelnda Behärrschung vu dr Schtàzioon“ züa-n-era Galdschtroof vu 25.000 Öiro verurtailt worra.[3]